"Chaschuns d'emprender per uffants fin a 4" è in project da la Direcziun da furmaziun dal chantun da Turitg. La direcziun da furmaziun vul cun quai contribuir sia part per realisar las directivas da la politica guvernamentala 2015–2019.

Films per geniturs ed experts

Ils films èn duas fin quatter minutas lungs ed existan en 13 linguas. Els stattan a disposiziun en las quatter linguas uffizialas da la Svizra (tudestg, franzos, talian e rumantsch grischun) sco er en nov ulteriuras linguas: albanais, arab, englais, portugais, serbo-croat-bosniac, spagnol, tamil, tigrinya e tirc.
Ils films vulan cuntanscher geniturs e persunas da referiment dad uffants pitschens sco era spezialists davart la furmaziun, la tgira e l'educaziun tempriva. Els vulan esser ina funtauna d'inspiraziun, els vulan infurmar ed animar per percorscher e tractar process da furmaziun dad uffants pitschens en il mintgadi.

Serias da film 2014 e 2019

La Direcziun da furmaziun dal chantun da Turitg ha publitgà l'onn 2014 per l'emprima giada films curts davart chaschuns d'emprender en il mintgadi per uffants fin 4 onns. Ils films davart la furmaziun da lingua tempriva cumpletteschan l'emprima seria. En tut existan ussa 65 films davart l'emprender prescolar. Latiers vegnan da nov sis films da commentari cun explicaziuns davart l'acquisiziun da la lingua uffantila.

Context

Ils films curts da las Chaschuns d'emprender 2014 sa basan sin il "Rom d'orientaziun per la formaziun, la tgira e l'educaziun tempriva" (2012) che la cumissiun d'UNESCO svizra e la Rait svizra per la tgira d'uffants han publitgà. Punct da referiment spezialisà dals films Furmaziun da lingua tempriva 2019 furma il concept spezialisà ""Furmaziun da lingua tempriva"" (2017) ch'è vegnì sviluppà da la Scola auta da pedagogia da la Turgovia ed il Marie Meierhofer Institut für das Kind per incumbensa da la Direcziun da furmaziun dal chantun da Turitg.

Contact

Per geniturs e persunas da referiment dad uffants pitschens: sche Vus avais dumondas, As drizzai per plaschair ad in dals posts da cussegliaziun da geniturs: p.ex. cussegliaziun da mammas e babs, cussegliaziun d'educaziun u furmaziun da geniturs. Qua chattais Vus quests posts:
www.kjz.zh.ch/angebote-4

Per spezialists davart la furmaziun, la tgira e l'educaziun tempriva: infurmaziuns davart purschidas da perfecziunament chattais Vus qua:
www.bfs-winterthur.ch/weiterbildung

Per infurmaziuns u impuls davart ils films:
info@kinder-4.ch

Barat e cooperaziuns

Cun il project «Situaziuns d’emprender per uffants fin 4 onns» vul la Direcziun da furmaziun dal chantun Turitg porscher ina contribuziun che sa basa sin la pratica en connex cun la promoziun tempriva. Ella fa quai en barat e collavuraziun cun bleras ulteriuras instituziuns ed organisaziuns:

Centers d’agid per uffants e giuvenils dal chantun Turitg (cug)

Qua chattan geniturs d’uffants pitschens en tuttas regiuns dal chantun cussegliaziun individuala e sustegniment che sa basa sin la pratica.

Furmaziun da geniturs dal chantun Turitg, Elternbildung Schweiz

Qua porscha la fumaziun da geniturs agid d’orientaziun e sustegniment pratic.

Marie Meierhofer Institut für das Kind (MMI)

Dapi l’onn 1957 s’engascha l’IMM per il bainstar d’uffants e lur famiglias: cun servetschs per uffants, geniturs e persunas dal fatg, cun purschidas da scolaziun, cun studis da la pratica e bler dapli.

Schweizerische UNESCO-Kommission e Netzwerk Kinderbetreuung

Cun las cundiziuns da basa per la furmaziun, tgira ed educaziun tempriva han las duas organisaziuns publitgà ina basa pedagogica da gronda valur davart la tgira d’uffants fin 4 onns.

Lotteriefonds Zürich, Jacobs Foundation Schweiz e Stiftung Mercator Schweiz

Questas trais organisaziuns prestan contribuziuns impurtantas per il spiert da cuminanza ed il svilup da nossa societad. Il project Situaziuns d’emprender è vegnì realisà cun l’agid finanzial da questas instituziuns.

Berufsfachschule Winterthur

En il chantun Turitg gioga la SP Winterthur ina rolla centrala per la scolaziun ed il perfecziunament da persunas dal fatg sin il champ da la tgira d’uffants pischens e la promoziun tempriva.

kibesuisse – Verband Kinderbetreuung Schweiz

L’uniun naziunala per canortas d’uffants pitschens e famiglias dal di. Ella definescha ils standards da qualitad per la tgira d’uffants e s’engascha per la realisaziun da quels.

IG Spielgruppen Schweiz

Sco center da cumpetenza porscha l’IG sustegniment che sa basa sin la pratica per la lavur professiunala cun gruppas da gieu.

SSLV Schweizerischer Spielgruppenleiterinnen Verband

Sco federaziun professiunala s’engascha l’USMG en Svizra per ils basegns ed ils interess da manadras e manaders da gruppas da gieu.

SIKJM Schweizerisches Institut für Kinder- und Jugendmedien, Family Literacy

Il center da cumpetenza per medias d’uffants e giuvenils, nua che era geniturs interessads pon sa profitar da la purschida.

A:primo

Sco uniun d’utilitad publica sustegna A:primo la promoziun d’uffants ch’èn socialmain dischavantagiads. A:primo porscha en Svizra il program da gieu e d’emprender „schritt:weise“.

Caritas

Per famiglias che vivan en povradad porscha la Caritas bleras differentas purschidas e projects che procuran per in access a la furmaziun.

Pro Juventute

La Pro Juventute sustegna geniturs ed uffants cun bleras purschidas. Per exempel publitgescha ella brevs da geniturs davart il svilup da l’uffant naven da la naschientscha.

FemmesTische

Dunnas discurran davart sanadad, educaziun e prevenziun – ina purschida che stat a disposiziun a dunnas interessadas dal chantun Turitg sco er a dunnas en ulteriuras regiuns da la Svizra.

Zeppelin – familien startklar

Il post spezialisà accumpagna e rinforza famiglias en situaziuns da grevezza particularas cun lur uffants da 0 a 3 onns.

conTAKT-kind.ch

La finamira dal project conTAKT-kind.ch è da sensibilisar cunzunt ils geniturs ch'èn immigrads en Svizra per ils temas da l'educaziun.

Partenari da project

In project da la Direcziun da furmaziun dal chantun da Turitg

Cun sustegn da

En collavuraziun cun

Frühe Sprachbildung 2019 ÜF

Lotteriefonds Kanton Zürich; Stiftung Mercator Schweiz; Marie Meierhofer Institut für das Kind Zürich, Pädagogische Hochschule Thurgau, Netzwerk Kinderbetreuung Schweiz

Lerngelegenheiten 2014 ÜF

Lotteriefonds Kanton Zürich; Jacobs Foundation; Stiftung Mercator Schweiz; Viktor Dürrenberger-Stiftung Zürich; Marie Meierhofer Institut für das Kind Zürich; Partnerprojekt des Orientierungs-rahmens für frühkindliche Bildung, Betreuung und Erziehung der UNESCO-Kommission und des Netzwerks Kinderbetreuung Schweiz.